❧ Pour presenter à une Dame, le premier jour de May, avec une branche d'aubespin flory
Ceste fleur blanche en ce rameau florie
Veult denoter, de vous, la chasteté.
La feuille verde, en rien n'estant flestrie,
De vostre coeur monstre la gayeté,
Qui ne sera pour quelque adversité
Diminuée, ainsi le fault il croire.
Ains le grand bruit de votre honnesteté
Fera de vous eternelle memoire.